現貨｜多功能太陽花勁持久🌻 日本貝印 x 中野明海聯名設計 持久恆溫多功能多面向電睫毛器 Kai Eyelash Curler

〈現貨｜多功能太陽花勁持久🌻

日本貝印 x 中野明海聯名設計 

持久恆溫多功能多面向電睫毛器

Kai Eyelash Curler〉

粉紅色 / 正紅色 現貨發售

$ 148

(VIP再95折🤍)

之前入左款fillimilli電睫毛器大爆單🧚‍♀️

番左一次貨之後就冇見過佢啦👼🏻

但係見到大家超級需要 所以都試緊其他款式

電睫毛器韓國唔算好hit 反而日本好多款揀🙋🏻‍♀️

睇咗好多款 有啲eg. Panasonic太貴

有啲就效果普通唔夠熱🫣

最後揀左呢款貝印電睫毛哭🤓

佢係日本女明星御用的造型師中野明海同品牌聯名設計的款😳💗

一用已經愛上 成個設計係激花心思同埋好方便🤍

雖然睇落去佢冇fillimilli咁細舊

但佢係可以收埋摺疊的！

收左之後 會短好多 同一支唇膏大小冇分別🙋🏻‍♀️

細袋帶佢出街燙 完全冇問題呀🤣

佢成舊 360度都發熱 恆溫式設計～

所以唔會過分發熱傷害眼皮（╹◡╹）

弧度非常適合東方型眼型設計～勁易上手

按一下開關之後大概30秒就熱左！好快手🤍

如果想最佳溫度嘅話大概等1至2分鐘😆

必須要講講佢個燙睫毛頭設計✌🏻

主要發熱板裝咗喺梳梳頭背面 

所以用嘅時候 可以用背面嗰度（冇梳頭嗰個位）燙都得

如果想防止曱甴腳 可以配合有梳頭位置燙

另外仲有尖尖嗰個位置 

可以用來梳理睫毛膏黐埋咗嗰啲位！

總之成舊嘢係超級多用途～

同埋任你電 咩位置都有用的(๑˃̵ᴗ˂̵)

上下睫毛都可以使用喔🫶🏻

大家唔識嘅話可以參考包裝背後有圖片示範🫧

呢一個真係超經surprise!!!!!

同fillimilli一樣都係做到太陽花效果🌻

而且超級long lasting☁️

第一次用嗰陣 諗住求其玩下

淨係夾咗眼睫毛再用佢 黐線沖完涼佢都仲喺翹

我太震驚🥹✌🏻🫣🤯🤯

第2日出街用 配合mascara效果真係不得了！

留意電睫毛器的用法 全部都係需要配合睫毛夾使用！

首先先夾好眼睫毛 之後搽mascara

再就用電睫毛器加熱🔥

咁就可以得出超完美超持久的太陽花眼睫毛🌻

自己小心得👉🏻 mascara未乾個陣燙 會更太陽花！

不過缺點係好容易整污糟個睫毛器🥹

佢呢一套入面有埋一把清潔用嘅梳仔🙋🏻‍♀️

不過我自己想保管得好啲

就習慣每次用完用紙巾抹乾淨🫡✌🏻

另外值得一讚 中野老師設計出嚟真係超貼心😆

佢呢部嘢冇開關 將佢屈曲收起 = 自動斷開關

咁就唔怕有時唔記得關電源！😳💫

總之佢剩係得一個使用按鈕 一按就會開始發熱

用完直接收起就會自動關電

使用嘅電池係日常的3A細電池🔋～

佢有兩隻顏色揀 效果冇分別的 只係顏色唔同😂🤣

呢支同fillimilli比 

整體功能上同埋使用方便程度都完整好多✨

價錢亦都唔算太貴！！！只係差小小💫

我自己兩支都有～

用起上嚟 日本呢支多面向使用～

一個頭360度都發熱 自己鍾意點用就點用😆

同埋日本呢一支溫度上 再熱啲！

特登開晒兩支做比較 

fillimilli個支發熱嗰陣用手指摸住 係可以容忍嘅程度

日本呢支 發熱嗰陣用手指keep住摸着超過20秒覺得好燙🤣

但係放心～ 因為平時電眼睫毛唔會接觸到眼皮太多

So far上眼用咁耐 冇試過覺得辣親嘅情況🫡🙏🏻

大家可以放心的🙋🏻‍♀️💗

同埋日本呢支個頭做得再仔細啲

喺梳理眼睫毛順暢度嘅部份做得更好💫

不過整體來講兩支嘅效果都係好持久同埋太陽花🌻🤤

大家買晒2支都唔過份🤤🤤

可以取代晒平時用火機機熱curler既step🤣

圖片全部由店主親手手繪✍🏻

文字用後感和介紹均是店主親自寫的！

請勿抄襲 / 盜圖 / 跟風❗️

同埋偷文個啲 唔係加減幾隻字就唔叫偷😇